Варнава Гефсиманский (Прп) — КАНОН

Варнава Гефсиманский (Прп) — КАНОН

День памяти 17 февраля (2 марта) и в Соборе Радонежских святых – 6 (19) июля.

Преподобному Варнаве (Меркулову) Гефсиманскому, Радонежскому

 

Тропарь, глас 5:

Измлада Христа Бога чисте возлюбив, / сын утешения был еси, / преподобне отче Варнаво. / По имени и житие твое бысть: / коемуждо страждущему, и нищу и царю, / пастырь кроток, утешитель и целитель явился еси. / Поминай нас, благодатный отче, / да молитвами теплыми твоими / Жизнодавец Бог дарует нам // утешение и велию милость.

Канон, глас 1.

Песнь 1

Ирмос: Твоя победительная десница / боголепно в крепости прославися: / та бо, Безсмертне, / яко всемогущая, противныя сотре, // израильтяном путь глубины новосоделавшая.

Преподобне отче Варнаво, моли Бога о нас.

Благодатную помощь Твою, Господи, низпосли нам, / воспети угодника Твоего, Варнаву Гефсиманскаго, / благочестия подвижника и обители Сергиевы украшение.

Преподобне отче Варнаво, моли Бога о нас.

Чадо милости Господни родителем твоим был еси, святе. / Темже и люди, окрест сущии, видяще сие, / зело радовахуся, благодаряще Бога.

Слава Отцу и Сыну, и Святому Духу

Аще и найде на тя болезнь тяжкая во юности твоей, отче, / обаче десницею Господнею охраняем, яко избранник Божий, / здрав явился еси.

Слава Отцу и Сыну, и Святому Духу

Мати Дево, Всемилостивая Владычице, / ведущая наша немощи душевныя и телесныя, / сохрани нас под кровом Твоим.

Пресвятая Богородица, спаси нас!

Песнь 3

Ирмос: Едине ведый человеческаго существа немощь / и милостивно в не воображься, / препояши мя с высоты силою, / еже вопити Тебе, Святый: // одушевленный Храме неизреченныя славы Твоея, Человеколюбче.

Преподобне отче Варнаво, моли Бога о нас.

Призвание ко иночеству предзреся в тебе, блаженне, еще отроку сущу, / егда первее у гроба преподобнаго Сергия молился еси.

Преподобне отче Варнаво, моли Бога о нас.

Желание послужити Богу имея, отче, / во обитель Святыя Троицы пришел еси, / идеже начало спасения твоего положи.

Слава Отцу и Сыну, и Святому Духу

Видяще любовь твою к уединенному житию, преподобне, / и предзряще служение твое народу Божию, / авва Антоний со старцы послаша тя во обитель Пресвятыя Богородицы, / Гефсимания нарицаемую.

И ныне, и присно, и во веки веков. Аминь

О Пресвятая Дево, Путеводительнице верных! / Ко стези покаяния нас направи / и спаси души наша.

Пресвятая Богородица, спаси нас!

Господи, помилуй! (Трижды)

Седален, глас 2:

Любовь Христову велиим смирением стяжал еси, / преподобне отче Варнаво, / течение живота твоего Богу вверяя / и присно смотрению Господню радуяся.

Слава Отцу и Сыну, и Святому Духу. И ныне, и присно, и во веки веков. Аминь

Мати Божия, благословенная Марие, / люди Твоя, во скорби сущия, / милостию Твоею не остави.

Пресвятая Богородица, спаси нас!

Песнь 4

Ирмос: Гору Тя, благодатию Божиею приосененную, / прозорливыма Аввакум усмотрив очима, / из Тебе изыти Израилеву провозглашаше Святому // во спасение наше и обновление.

Преподобне отче Варнаво, моли Бога о нас.

В мире скорбни будете, но дерзайте, яко Аз победих мир, / рекл еси, Господи, Твоим учеником. / Сего ради скорбящим утешители дивныя от избранных твоих даруеши.

Преподобне отче Варнаво, моли Бога о нас.

Скорби народа Божия познав, / утешитель присный и скорый людем явился еси, / отче Варнаво премилостиве, / темже тя любовию ублажаем.

Слава Отцу и Сыну, и Святому Духу

Много болезновал еси о приходящих к тебе, преподобне отче, / темже и сих призывал еси неправды и прегрешения своя слезами покаяния омывати / и во всяцем благочестии и чистоте пребывати.

И ныне, и присно, и во веки веков. Аминь

Мати Пречистая, Огнь Божественный во чреве приимшая несказанно, / неправды и прегрешения наша попали благодатию Сына Твоего.

Пресвятая Богородица, спаси нас!

Песнь 5

Ирмос: Твой мир даждь нам, Сыне Божий, / иного бо, разве Тебе, бога не знаем, / имя Твое именуем, // яко Бог живых и мертвых еси.

Преподобне отче Варнаво, моли Бога о нас.

Евангельская словеса о добром пастыре в сердце твоем слагая, преподобне, / многое попечение о приходящих к тебе имел еси / и, яко чадолюбивый отец, сих утешал еси.

Преподобне отче Варнаво, моли Бога о нас.

Сирых, болезнующих и о гресех своих скорбящих / во множестве привлекл еси, отче преславне Варнаво, / и сих словом кротким твоим врачевал еси.

Варнава Гефсиманский (Прп) — КАНОН

День памяти 17 февраля (2 марта) и в Соборе Радонежских святых – 6 (19) июля.

Преподобному Варнаве (Меркулову) Гефсиманскому, Радонежскому

 

Тропарь, глас 5:

Измлада Христа Бога чисте возлюбив, / сын утешения был еси, / преподобне отче Варнаво. / По имени и житие твое бысть: / коемуждо страждущему, и нищу и царю, / пастырь кроток, утешитель и целитель явился еси. / Поминай нас, благодатный отче, / да молитвами теплыми твоими / Жизнодавец Бог дарует нам // утешение и велию милость.

Канон, глас 1.

Песнь 1

Ирмос: Твоя победительная десница / боголепно в крепости прославися: / та бо, Безсмертне, / яко всемогущая, противныя сотре, // израильтяном путь глубины новосоделавшая.