И н седален т риоди , глaс 8. П одобен «п ремудрости »

Проведый всяческая яко Творец / в Вифании прорекл еси учеником Твоим: друг наш Лазарь успе днесь. / И ведый вопросил еси, рекл: где положисте его? / И Отцу помолился еси, прослезився яко Человек: / темже и возгласив, егоже любил еси, / от ада возставил еси Господи четверодневнаго Лазаря. / Сего ради вопием Тебе: / приими Христе Боже, дерзающих приносити хваление Тебе, / и сподоби всех славы Твоея.

Песнь 4

Ирмос: Услышах, Господи, / смотрения Твоего таинство, / разумех дела Твоя, / и прославих Твое Божество. (дважды)

Тропарь: Не пособника требуяй, / но смотрения совершаяй неизреченное, / моляся возставил еси мертва, / четверодневнаго Всесильне.

Тропарь: Не пособника требуяй, / но смотрения совершаяй неизреченное, / моляся возставил еси мертва, / четверодневнаго Всесильне.

 Тропарь: Отцу соприсносущное Слово, / и Бог прежде зримый, / ныне яко Человек молится, / молитвы всех Приемляй.

                         Тропарь: Отцу соприсносущное Слово, / и Бог прежде зримый, / ныне яко Человек молится, / молитвы всех Приемляй.

Тропарь:Глас Твой разруши Спасе смертную всю силу, / основания же адова / Божественною Твоею силою поколебашася.

Богородичен: Деву воспоим, яко по рождестве Деву пребывшую, / и рождшую Христа Бога, / от прелести мир избавльшаго.

Тропарь Ты яко пастырь исхитил еси Христе человека, / растлевша уже четверодневна, Зиждителю, / от волка лютаго воистинну и всеядца, / яко всесилен же и Господь, / сим проявляя всемирную славу, / Твоего ныне тридневнаго востания.

Тропарь: Тя жизнь видяще сущии с Марфою Христе, вопияху: / аще бы был еси зде Господи, просвещение всех и жизнь, / отнюд не бы умерл, мертв не явился бы Лазарь. / Жизнь же умерших, Ты Человеколюбче сый, / в радость плач их прелагаеши.

Слава:                                                                                                                                                  Тропарь: Тя источника боятся Господи бездны, / Тебе работают воды всяческия: / Тебе трепещут Христе вереи адовы, / и заклепы державою Твоею разрушаются, / Лазарю воскресшу из мертвых гласом Твоим, / всесильне Спасе Человеколюбче.

И ныне, Богородичен: Ты верным похвала еси Безневестная, Ты предстательство, / Ты и прибежище христианом, стена и пристанище, / к Сыну бо Твоему моления приносиши Всенепорочная, и спасаеши от бед, / верою и любовию Богородицу Чистую Тя ведущия.

                                      Катавасия Триоди глас 8                                                                                                                               Ты моя крепость, Господи, / Ты моя и сила, / Ты мой Бог, Ты мое радование, / не оставль недра Отча / и нашу нищету посетив. / Тем с пророком Аввакумом зову Ти: / силе Твоей слава, Человеколюбче.

Песнь 5.

К АНОН Т РИОДИ (ТВОРЕНИЕ ПРП. Ф ЕОФАНА), ГЛАС 8- Й, СО ИРМОСОМ НА 8:

Ирмос: Вскую мя отринул еси от лица Твоего,Свете незаходимый,и покрыла мя есть чуждая тьма окаяннаго.Но обрати мя и к свету заповедей Твоих, пути моя направи, молюся. (Дважды)

Тропарь: Представ Лазареву гробу Человеколюбче, / сего призвал еси, и жизнь подал еси: / яко жизнь сый безсмертная человеком всем, / яко Бог будущее прообразуя яве воскресение.

Тропарь: Представ Лазареву гробу Человеколюбче, / сего призвал еси, и жизнь подал еси: / яко жизнь сый безсмертная человеком всем, / яко Бог будущее прообразуя яве воскресение.

Тропарь: Связан ногама Лазарь хождаше, чудо в чудесех, / ибо болий явися возбраняющаго укрепляяй и Христос, / Егоже слову вся раболепно служат, / яко Богу и Владыце работающа.

Тропарь: Связан ногама Лазарь хождаше, чудо в чудесех, / ибо болий явися возбраняющаго укрепляяй и Христос, / Егоже слову вся раболепно служат, / яко Богу и Владыце работающа.

Тропарь: Мертва смердяща Лазаря воздвигнувый Христе четверодневна, / возстави мя умерша ныне грехи моими, / и положена в рове, и темней сени смертней, / и яко благоутробен избави и спаси мя.

Тропарь: Мертва смердяща Лазаря воздвигнувый Христе четверодневна, / возстави мя умерша ныне грехи моими, / и положена в рове, и темней сени смертней, / и яко благоутробен избави и спаси мя.

Тропарь: Отцу славу подая, / яко не богопротивный был еси моляся, / предстоящий уверяя народ Долготерпеливе, / и благодарение Твоему Отцу принося, / повелением воздвизаеши Лазаря.

Тропарь: Отцу славу подая, / яко не богопротивный был еси моляся, / предстоящий уверяя народ Долготерпеливе, / и благодарение Твоему Отцу принося, / повелением воздвизаеши Лазаря.

Тропарь: О гласа Боговещаннаго, и Божественныя силы, Спасе державы Твоея! / Еюже адова врата всеядныя смерти сокрушил еси, / но исхити мя от страстей моих, / якоже прежде четверодневна Твоего друга Лазаря.

Тропарь: О гласа Боговещаннаго, и Божественныя силы, Спасе державы Твоея! / Еюже адова врата всеядныя смерти сокрушил еси, / но исхити мя от страстей моих, / якоже прежде четверодневна Твоего друга Лазаря.

                                                                                                                                   Молитвами Лазаря, Марфы же и Марии, / нас сподоби зрителей быти Креста и страстей Твоих Господи, / и светоносицы дней и царицы Воскресения Твоего Человеколюбче.

Богородичен: Матернее дерзновение к Сыну Твоему имущи Пречистая, / сроднаго промышления о нас не презри, молимся, / яко Тя едину христиане ко Владыце / умилостивление благоприятное предлагаем..

Катавасия Триоди глас 8

Вскую мя отринул еси / от лица Твоего, Свете Незаходимый, / и покрыла мя есть чуждая тьма, окаянного, / но обрати мя и к свету заповедей Твоих / пути моя направи, молюся.

Песнь 6