Втнемат ды арсематЭрзянь Келень Чиденть

Втнемат ды арсематЭрзянь Келень Чиденть

Вана кода уш 29 иеть минь ютавтнетяно те покшчинть. Сонзэ тешкстамось ушодовсь 1994 иень чадыковонь 16-це чистэнть, зярдо эрзянь васенце профессоронтень, келень содыентень Анатолий Павлович Рябовнень топодсть 100 иеть. Аламонь аламонь кенярксчись виемсь. Ней сон ютавтневи весе масторонть келес, косо эрить эрзянь ломантне. Тешкстави семиясо, школатнесэ, Культурань кудотнесэ, морамонь коллективтнесэ, эйдень кужотнесэ (садиктнесэ). Монгак 30-де ламо иень перть, зярс аштян эрзянь тевсэнть, пек ламоксть ютавтынь истят пек эрявикс покшчить. Ламо иетнестэ кенярксчись теевкшнесь мик Эрзянь Келень Таргокс (неделя).Мезесь пек кецявты: ней сон пек келейсэ невтеви Интернетсэяк.

2014-це иестэ саезь Саранскойсэ сонзэ кармасть тешкстамо, кода Весероссиянь эрзянь ды мокшонь келень чи. Тедеде Национальной театрав истямо кенярксчинь ютавтомо сакшнось Артём ЗдуновМордовия Республикань прявтоськак.Сон кемевтинзе пурнавозтнень алтамосонть максомс седе покш мелень путома Мордовиянь школатнесэ ды эйдень кужотнесэ тиринь келень тонавтомантень.

Ёвтнян тешкстамотнеде, ков тень савкшномс понгомс те праздникенть ютавтомсто.

Эрзянь келень Чись Игнатбуень Культурань кудосо

Чадыковонь 14-це чистэ Эрзянь келень Чи теинек Игнатбуень Культурань кудосо. Ютавтыцятне: ветеранонь организациясь, "Пизёлнэ" раськень морамонь курось, РДК-нь важодицятне ды  "Толнэ" ансамблясь. Коень коряс, панжозель кенярксчись «Эрзянь кель» (С.Люлякинань) ды раськень «Айдо, ялгат, паро ялгат» моротнесэ.

 Сакшность мазый эрзянь стихсэ ды моросо ёвтамо поздоровт эйдень кужонь, Покш Игнатвелень ды Андревелень школасто эйкакшт.

 

 

 

Паронь арсемань валт ёвтась тенек райононь администрациянь прявтонть полавтыцязо Ольга Борисовна Кудашкина. Эрзянь келень Чись алтазель раськень ды С.М. Люлякинань (те иестэ сонензэ топодить 100 иеть) моротненень - эрзянь раськень те покштояк покш мазычинтень ды сюпавчинтень.

Мекс эряви тенек вечкемс эрзянь келенть?

Арсян, секс, мейс минь эрзят, минь истямокс чачинек. Эрзят ульнесть минек тетянок-аванок, покштянок-бабанок, кезэрень инепокштянок, ине покшаванок. Сехте малавикст ды покшт сыре ломантне кандызь тенек ламо ламо сядот иень пачк тиринь келенть. Неть малавикс ломантнень пельксэст ули минек потсонокак.

А стяко эрзянь покштятненень-бабатненень озномасонть кортави:

… ВЕСЕ ТЫНЬ МИНЕК ВЕРЬСЭ,

ВЕСЕ ТЫНЬ СЕДЕЙСЭНЕК,

МИНЬ ТЫНК ЭЙСТЭ ЛИСИНЕК,

МИНЬ ТЫНЕНК ВЕЛЯВТТАНО…

Вана секс эряви содамс ды ванстомс тиринь эрзянь келенть. Сон сюлми эрзятнень вейс. Кадовозо келенек  минек мельгаяк эйкакшонок ды нуцьканок туртов. Улезэ. Эрязо. Виевгадозо.

Паряк те чись, зярдояк тееви минек Мордовиясо государственной праздникекскак. Улезэте чись эрьва эрзянь семиясо, эрьва эрзянтеньроднянь-раськень ледстямонь чикс,- чикс, зярдо ломанесь арсезеви, кие сон модамасторонть лангсо, мезе тейсь эсь раськензэ ванстомга.

Пингеде пингес эрязо минек мазый тиринь эрзянь келенек!

 

           Римма ЖЕГАЛИНА – А.П.Рябов лемсэ Казнень Лауреатось, Мордовия Республикань заслуженной тонавтыцясь.

втнемат ды арсематЭрзянь Келень Чиденть

Вана кода уш 29 иеть минь ютавтнетяно те покшчинть. Сонзэ тешкстамось ушодовсь 1994 иень чадыковонь 16-це чистэнть, зярдо эрзянь васенце профессоронтень, келень содыентень Анатолий Павлович Рябовнень топодсть 100 иеть. Аламонь аламонь кенярксчись виемсь. Ней сон ютавтневи весе масторонть келес, косо эрить эрзянь ломантне. Тешкстави семиясо, школатнесэ, Культурань кудотнесэ, морамонь коллективтнесэ, эйдень кужотнесэ (садиктнесэ). Монгак 30-де ламо иень перть, зярс аштян эрзянь тевсэнть, пек ламоксть ютавтынь истят пек эрявикс покшчить. Ламо иетнестэ кенярксчись теевкшнесь мик Эрзянь Келень Таргокс (неделя).Мезесь пек кецявты: ней сон пек келейсэ невтеви Интернетсэяк.

2014-це иестэ саезь Саранскойсэ сонзэ кармасть тешкстамо, кода Весероссиянь эрзянь ды мокшонь келень чи. Тедеде Национальной театрав истямо кенярксчинь ютавтомо сакшнось Артём ЗдуновМордовия Республикань прявтоськак.Сон кемевтинзе пурнавозтнень алтамосонть максомс седе покш мелень путома Мордовиянь школатнесэ ды эйдень кужотнесэ тиринь келень тонавтомантень.

Ёвтнян тешкстамотнеде, ков тень савкшномс понгомс те праздникенть ютавтомсто.